Fotografi të “Golf 2”-shit më “simpatik” të prodhuar ndonjëherë
Volkswagen këtë javë do t’ia bëjë paraqitjen e parë publike gjeneratës së tetë të serisë ‘Golf’.
Auto & Tek
Miliona nga kjo seri janë shitur në mbarë botën, por ‘TopGear’ ka përzgjedhur ndër më “simpatikun” prej tyre, transmeton lajmi.net.
Bëhet fjalë për MK II GTI, i cili u lansua më 1984-ën. Ai posedon një motor katër-cilindërsh 1.8 litra, që ia mundëson t’i prodhojë 110 kuaj-fuqi.
Shpejtësia maksimale me të cilën lëviz ky prodhim i gjeneratës së dytë të ‘Golf’ është 210 km/h, përderisa arrin të kapë shpejtësinë 100 km/h për 7,9 sekonda.
Vitin e kaluar, të dhënat e siguruara nga Ministria e Punëve të Brendshme të Kosovës, treguan se në vendin tonë gjithsej gjenden 24,202 copë ‘Golf 2’. /Lajmi.net/