I madh e i vogël në Holandë janë duke e imituar Robin van Persien për golin e realizuar ndaj Spanjës, kur ‘fluturoi’, para se të shënonte me kokë në portën e Iker Casillasit, në fitoren 5:1.

Madje, rrugën e atyre që e imitojnë sulmuesin holandez të Manchester Unitedit e ka ndjekur edhe gjyshi i tij, Wim Ras.

“Në rini merresha me gjimnastikë dhe kjo nuk ishte shumë e vështirë për mua. Megjithatë, problemi është te mosha ime, pasi tani nuk jam duke ushtruar”, tha 93 vjeçari.

Dy vjet më parë, Van Persie e kishte realizuar një gol dhe atë ia kishte kushtuar pikërisht gjyshit të tij.