Finlandë – Kosovë, shitje rekorde e biletave në ditën e parë
Ndeshja e parë e Përfaqësueses së Kosovës ndaj Finlandës në udhëtim për kualifikimet e Botërorit “Rusia 2018”, po zgjon interesim të madh.
Sport
Biletat për këtë sfidë kishin dalë në shitje të premten dhe që në ditën e parë janë shitur rreth 70 për qind e tyre.
Kështu i ka thënë Gazetës Sheshi përzgjedhësi i Përfaqësueses së Kosovës, Albert Bunjaki.
“Biletat për ndeshjen Finlandë – Kosovë kanë filluar të shiten dhe sa kuptova vetëm dje janë shitur 70 për qind e tyre”, deklaroi Bunjaki, duke theksuar se djelmoshat e tij do të jenë gati për duelin historik.
Shumë prej biletave janë blerë nga bashkëatdhetarët shqiptarë që mezi presin ta shohin Kosovën në një ndeshje kualifikuese.
Ky takim luhet më 5 shtator në Veritas Stadium të qytetit Turku, në orën 21:45, sipas orës lokale, që i bie në 20:45 sipas asaj në Kosovë.
Stadiumi ka kapacitet prej vetëm 9372 ulësesh.
