Kupa e Botës për Klube, e vendosur të zhvillohet në Shtetet e Bashkuara nga 14 qershori deri më 13 korrik 2025, do të përfshijë 32 ekipe nga e gjithë bota.

Megjithatë, FIFA sapo ka njoftuar se klubi meksikan Club Leon, ku luan James Rodriguez, është përjashtuar nga gara dhe pritet që së shpejt të shpallet një ekip zëvendësues.

Vendimi vjen pas procedurave disiplinore kundër Club Leon dhe CF Pachuca për shkelje të rregulloreve të pronësisë së shumë klubeve të FIFA-s.

“Pas vlerësimit të të gjitha provave në dosje, Kryetari i Komitetit të Apelit të FIFA-s ka përcaktuar se Club Leon nuk i plotëson kriteret e përcaktuara në rregulloret e FIFA Botërorit të Klubeve 2025. Si rezultat, klubi do të tërhiqet nga gara”, bëri të ditur FIFA.