Një lajm bombë ka arritur sot nga Spanja. E përditshmja Mundo Deportivo, shumë e afërt me Barcelonën, shkruan se Cesc Fabregas do të largohet nga gjiganti katalunas këtë verë.

Mesfushori spanjoll e ka në dorë një ofertë të majme nga një klub i madh i Premierligës, siç ka konfirmuar edhe menaxheri i tij, kështu që ka vendosur të largohet, duke e konsideruar ardhjen e Luis Enriques, i cili planifikon të bëjë ndryshime të mëdha në ekip.

Nuk është ende e qartë se për cilin ekip bëhet fjalë, por flitet se për Fabgeras interesim kanë shprehur Manchster City, Manchester United, Arsenali dhe Liverpooli.

Barça e vlerëson ish kapitenin e Arsenalit, 40 milionë euro, të cilat më pas do t’i shpenzojë duke sjell emra të rinj në Camp Nou.