Eurodeputeti austriak dhe miku i Kosovës, Lukas Mandl ka vizituar dje ambasadën e Kosovës në Izrael.

Aty ai është takuar me ambasadoren e Kosovës, Ines Demiri, shkruan lajmi.net.

Me anë të një postimi në Twitter, Mandl ka thënë se me njohjen e Kosovës, Izraeli ka dëshmuar vizion dhe mençuri.

Ai tha se shembullin e Izraelit duhet ta ndjekin edhe pesëshja mos-njohëse e BE-së.

“Faleminderit Ines Demiri për shkëmbimin tonë të shkëlqyer të sotëm në Ambasadën e Republikës së Kosovës në Jerusalem. Duke e njohur Kosovën, Izraeli i ka dhënë edhe një herë botës një shembull urtësie dhe vizioni. Faleminderit! ! Pakica e shteteve të BE-së që mungojnë duhet ta ndjek këtë shembull”, ka shkruar ai. /Lajmi.net/

Thx, @InesDemiri1, for our today‘s excellent exchange in the Ambassy of the Republic of #Kosovo in Jerusalem. By recognizing Kosovo #Israel has once again provided the world with an example of wisdom & vision. Faleminderit! תודה! The minority of EU-Members missing may follow. pic.twitter.com/YG0bQhGTw3

— Lukas Mandl (@lukasmandl) September 9, 2022