Ish i dërguar i ShBA-së në dialogun Kosovë – Serbi, Richard Grenell, do ta zë një pozitë goxha me rëndësi në administratën e presidentit Donald Trump.

Grenell është caktuar si i dërguar i Shteteve të Bashkuara për misione të veçanta.

E këtë lajm e ka mirë pritur edhe Endrit Thaçi, djali i ish presidentit Hashim Thaçi.

“Bota ka nevojë për misionet speciale të SHBA-së për paqen, demokracinë, drejtësinë dhe bashkëpunimin ndërkombëtar”, ka shkruar ai në Instastory.

Ish-presidenti i Kosovës Hashim Thaçi, ka katër vjet që po mbahet në Hagë duke u gjykuar për krime lufte.

Vet Grenell lidhur me këtë ishte shprehur se Thaçi duhet të lirohet sa më shpejt nga aty, pasi që po i bëhet padrejtësi.