Ëmbëlsirë me gështenja
Mësoni si të përgatisni ëmbëlsirë me gështenja.
Lifestyle
Përbërësit:
- 1/2 kg gështenja,
- 100 g sheqer,
- 1 dl krem qumështi i rrahur,
- 1 pako vanilje,
- kripë
Përgatitja:
Qërojmë gështenjat dhe i ziejmë për 5 minuta. Më pas i heqim lëkurën e hollë dhe i ziejmë përsëri për gjysmë ore në ujë të valuar të cilit i kemi hedhur pak kripë. Ndërkohë përgatisim sherbetin duke vendosur në një tenxhere me 1/4 l ujë, sheqerin kokërr dhe vaniljen. Sheqeri tretet në zjarr të dobët për rreth 10 minuta. I kullojmë dhe i kalojmë në mulli. Puresë që kemi formuar i shtojmë sherbetin, dhe i lejmë të ftohet. Në fund shtojmë kremin e qumështit. Ëmbëlsirën e ndajmë nëpër tasa dhe i mbajmë në një vend të freskët para se t’i servirim.