Ministri i Financave, Hekuran Murati , bëri të ditur se sot është bërë ekzekutimi i pensioneve siç bëhet rëndom në bazë të kalendarit me datë 15.

Por duke filluar nga ky muaj, pensionet janë me 20 për qind rritje.

Ky vendim u mor ditë më parë nga Qeveria e Kosovës.

Postimi i plotë i Muratit:

Sot është bërë ekzekutimi i pensioneve siç bëhet rëndom sipas kalendarit me datën 15 të muajit.

Duke filluar nga ky muaj, skemat si vijon ekzekutohen me rritjen prej 20%:

– Pensioni Bazik i Moshës,

– Pensioni Kontributpagues, i plotë dhe parcial,

– Pensionet për Aftësi të Kufizuara,

– Pensioni për Personat e Verbër,

– Pensioni për Paraplegjikë dhe Tetraplegjikë,

– Pensioni Invalidor i Punës,

– Pensioni Familjar, dhe

– Pensioni i Parakohshëm i Trepçës.

Qeveria për të gjithë!./Lajmi.net/