Ekipi i atletikës së Kosovës ka përfunduar ditën e dytë të garave në Lojërat Evropiane Krakow 2023.

Paraqitjen më të mirë sot e kishte bursistja olimpike, Gresa Bakraqi, e cila doli e pesta prej 13 garueseve në disiplinën 800 metra.

Gresa shënoi kohën 2:07.67 minuta, duke thyer njëherit rekord shtetëror.

Garuesit tjerë patën paraqitje solide.

Të pranishëm në Stadiumin Silesian në Chorzow, ishin edhe nënpresidenti i KOK-ut, Gazmend Maxhuni e anëtari i BE, Musa Hajdari.

Rezultatet e garuesve tanë:

Gresa Bakraqi, 800 m. – vendi 5

Alaudin Suma, hedhje e diskut – 11

Donika Kryemadhi, 100 m. me pengesa – 13

Astrit Kryeziu, 1500 m. – U lëndua gjatë garës

Florentina Restelica, 400 m. pengesa – 12

Lirije Peci, kërcim tre-hapësh – 14

Florian Berisha, 400 m. pengesa -14

Ekipore 4x100m (vajzat) – 10

Ekipore 4×100 (meshkujt) – 10

Kujtojmë që garat e atletikës vlejnë edhe si Kampionat Evropian ekipor, me ç’rast ekipi ynë ndodhet në divizionin e tretë./Lajmi.net/