Ky fenomen është problematik sidomos në Premierligë dhe në Serie A, kur lojtarët shpeshherë kanë qenë viktimë e fyerjeve raciste.

Lojtarët si Raheem Sterling në Premierligë, Moise Kean në Serie A dhe Danny Rose në Podgoricë gjatë ndeshjes kualifikuese për Euro 2020 janë disa nga rastet e fundit që janë përballur me këtë fenomen.

Krejt së fundmi, ishte Wilfried Zaha që u quajt ‘majmun që shtiret’ nga një tifoz i Newcastle United, por lojtari është sulmuar edhe në rrjetet sociale nga tifozë të Championship.

Këto ngjarje kanë nxitur reagime të mëdha, me disa trajnerë që kanë propozuar tërheqjen e skuadrave nga fusha e blertë në rast se dëgjohen fyerje raciste, por edhe Zaha ka reaguar.

“Për të gjithë njerëzit që janë racist dhe dëshirojnë vdekjen e familjes sime, ju dëshiroj të gjitha të mirat edhe familjeve tuaja” ka shkruar Zaha në ‘Instagram’ transmeton lajmi.net.

“Jeta ime është akoma e bukur, pa marrë parasysh urrejtjen e juaj” ka shkruar tutje ai.

Federatat e Futbollit në të gjitha vendet evropiane po punojnë për ta luftuar këtë fenomen, i cili po bëhet ‘kancer’ për  futbollin. /Lajmi.net/