Ofertat për sulmuesin belg sa vijnë e shtohen pasi pas Interit, Chelseat dhe Atletico Madrid, që kanë kohë në ndjekje të futbollistit në garë për kartonin e 33-vjeçarit është futur edhe Paris Saint Germain.

Klubi francez e shikon Mertens si alternativën kryesore për të zëvendësuar Edinson Cavanin, i cili me shumë mundësi do të largohet nga parizienët gjatë merkatos së verës.

Mertens është pjesë e Napolit që nga viti 2013, kur ishte transferuar nga holandezët e PSV.