35-vjeçari ka shënuar 10 gola në Premierligë këtë sezon dhe vetëm së fundmi është rikthyer nga një lëndim që e mbajti jashtë për dy muaj, transmeton lajmi.net.

Trajneri i “Dhelprave”, Brendan Rodgers ka konfirmuar se Vardy ka pësuar lëndim ndaj Leeds United dhe beson se sulmuesi do të mungojë për të paktën dy javë.

“Vardy do të mungojë. Për fat të keq u lëndua në ndeshjen e fundit, kështu që do të jetë jashtë për disa javë, gjë që është turp”.

“Sapo pësoi një goditje në gjurin, por shpresojmë që në tre deri në katër javët e ardhshme, të përgjigjet mirë”.

“Ndjeu një dhimbje në të pas ndeshjes një ditë tjetër. Është shumë frustruese si për klubin ashtu edhe për lojtarin”.

“Për të në veçanti, pasi ka qenë jashtë, duke punuar kaq shumë për t’u rikthyer, ju mund të shihni ndryshimin që i bën ekipit”.

“Sigurisht, për ne si trajnerë, menaxherë dhe lojtarë, është zhgënjyese sepse ju mungon ai nivel lojtari”.

“Shpresojmë se mund të kthehet, të bëhet sërish në formë dhe do të shohim se si do të jetë brenda disa javësh”, deklaroi ai.

Ndërkohë, përballja mes Leicesterit dhe Arsenalit zhvillohet të dielën me fillim nga ora 17:30./Lajmi.net/