Trajneri i Interit, Simone Inzaghi, ka folur përpara ndeshjes ndaj Romës.

Derbi i kësaj jave në Serie A është ai në mes Interit dhe Romës.

E përpara ndeshjes ka folur trajneri i ‘Nerazzurrëve’, i cili e  konfirmoi se Kristjan Asllani do të startojë për herë të parë pasi Marcelo Brozovic është i lënduar dhe gjithashtu tha se Romelu Lukakut i duhet edhe pak kohë për t’u rikuperuar nga lëndimi i kofshës.

“Asllani është zgjedhur nga unë dhe klubi. Ai po punon mirë, do të fillojë nesër. Në mesfushë kam vështirësi sepse e kam atë, Mkhitaryan, Barella dhe Calhanoglu. Përveç Brozovic, edhe Gagliardini ka dështuar të stërvitet në dy ditët e fundit dhe sot do të shohim.

Për Lukakun pati një ngadalësim në rikuperimin e tij që na largon një lojtar të rëndësishëm. Stafi po punon, ka kaluar një muaj, por do të duhet ende pak kohë”, përfundoi ai.

Derbi në mes Interit dhe Romës zhvillohet nesër (e shtunë), nga ora 18:00./Lajmi.net/