“E goditi me veturë dhe me shufër metalike deri në vr*asje” – Detaje nga rasti ku Rrahman Hoti e kishte vr*arë gruan e tij në 2011-tën në Zvicër

Një rast tejet i rëndë ka ndodhur sot në qytetin e Suharekës, ku një burrë ka vrarë një tjetër pas një mosmarrëveshje në parking. Lajmin për këtë sot e ka konfirmuar edhe Policia e Kosovës, të cilët kanë thënë se i dyshuari ka shtënë me armë zjarri në drejtim të viktimës, i cili më pas…

Lajme

18/11/2026 14:27

Një rast tejet i rëndë ka ndodhur sot në qytetin e Suharekës, ku një burrë ka vrarë një tjetër pas një mosmarrëveshje në parking.

Lajmin për këtë sot e ka konfirmuar edhe Policia e Kosovës, të cilët kanë thënë se i dyshuari ka shtënë me armë zjarri në drejtim të viktimës, i cili më pas ka humbur jetën.

Tanimë janë bërë të ditur edhe emri i të dyshuarit dhe i viktimës. I dyshuari për këtë rast është Rrahman Hoti rreth 60 vjeçar dhe Sylë Dakaj rreth 59 vjeçar.

Për Rrahman Hotin, kjo është vrasja e tij e dytë.

Në vitin 2011, Hoti kishte vrarë gruan e tij në St.Gallen të Zvicrës.

Ngjarja kishte ndodhur saktësisht më 8 nëntor 2011, në afërsi të vendit të punës së gruas, me të cilën ai jetonte i ndarë. Për këtë vepër penale, Hoti ishte dënuar me 19 vite burgim nga Gjykata e Qarkut në St.Gallen.

Siç raportohej asokohe nga mediat zvicerane, një shtetas kosovar, i identifikuar me inicialet R.H ishte dënuar në maj të vitit 2013 me 19 vite burgim për vrasjen e bashkëshortes së tij.

Sipas aktakuzës, ai e kishte pritur bashkëshorten dhe e kishte goditur me veturë nga pas. Më pas, kishte nxjerrë nga bagazhi një shufër hekuri dhe e kishte goditur disa herë në kokë, duke e lënë të vdekur në vend.

Përpos kësaj thuhet se gjatë largimit nga vendi i ngjarjes, ai kishte kërcënuar edhe një punëtor të rrugës, i cili kishte tentuar t’i ofronte ndihmë viktimës.

Po ashtu përgjatë zhvillimit të procesit gjyqësorë në këtë rast, kryetarja e trupit gjykues e kishte cilësuar veprën si jashtëzakonisht brutale dhe gjakftohtë. Sipas gjykatës, vrasja ishte planifikuar dhe ishte motivuar nga zemërimi e hakmarrja, pasi bashkëshortja kishte refuzuar të kthehej tek ai dhe kishte nisur një lidhje të re.

“Ju e keni konsideruar veten zot të jetës së bashkëshortes suaj”, i ishte drejtuar gjyqtarja të dënuarit gjatë shpalljes së aktgjykimit.

Gjykata kishte vendosur gjithashtu që dy fëmijët e çiftit të merrnin nga 35 mijë franga zvicerane si kompensim për dhimbjen e shkaktuar nga humbja e nënës. Avokati i tyre kishte deklaruar gjatë gjykimit se të dy fëmijët dëshironin që babai i tyre të qëndronte sa më gjatë në burg.

Por çka lidhet ky rast me ngjarjen e rëndë sot në Suharekë.

Sot gjatë ditës u raportua për të shtëna me armë në parkingun e një qendre tregtare në Suharekë. Pas kësaj detajet nxorën në pah se bëhet fjalë për dorasin Rrahman Hoti, 60 vjeçar i cili fillimisht u largua nga vendi i ngjares por u arrestua më pas.

Viktima fillimisht ishte plagosur me armë zjarri, por më pas ka ndërruar jetë si pasojë e plagëve të marra.

I dyshuari është arrestuar nga Policia e Kosovës, ndërsa rrethanat dhe motivet e ngjarjes mbeten objekt hetimi./Lajmi.net/

Tragjedia në Suharekë: Arrestohet i dyshuari për vrasjen në parkingun e qendrës tregtare

 

Sipas aktakuzës, ai e kishte pritur bashkëshorten dhe e kishte goditur me veturë nga pas. Më pas, kishte nxjerrë nga bagazhi një shufër hekuri dhe e kishte goditur disa herë në kokë, duke e lënë të vdekur në vend.

Gjatë largimit nga vendi i ngjarjes, ai kishte kërcënuar edhe një punëtor të rrugës, i cili kishte tentuar t’i ofronte ndihmë viktimës.

Gjatë procesit gjyqësor, kryetarja e trupit gjykues e kishte cilësuar veprën si jashtëzakonisht brutale dhe gjakftohtë. Sipas gjykatës, vrasja ishte planifikuar dhe ishte motivuar nga zemërimi e hakmarrja, pasi bashkëshortja kishte refuzuar të kthehej tek ai dhe kishte nisur një lidhje të re.

“Ju e keni konsideruar veten zot të jetës së bashkëshortes suaj”, i ishte drejtuar gjyqtarja të dënuarit gjatë shpalljes së aktgjykimit.

Gjykata kishte vendosur gjithashtu që dy fëmijët e çiftit të merrnin nga 35 mijë franga zvicerane si kompensim për dhimbjen e shkaktuar nga humbja e nënës. Avokati i tyre kishte deklaruar gjatë gjykimit se të dy fëmijët dëshironin që babai i tyre të qëndronte sa më gjatë në burg. /Lajmi.net/