Dy raste të ndara të kanosjes janë raportuar në Zveçan dhe Mitrovicë të Veriut, ndërsa për të dyja ngjarjet është njoftuar prokurori kompetent.

Rasti i parë ka ndodhur në rrugën “Nemanjina” në Zveçan, më 22 shkurt 2026, raporton lajmi.net

Sipas raportimit, ankuesi, mashkull kosovar, ka bërë të ditur se gjatë natës persona të panjohur i kanë vendosur një letër kërcënuese në gjuhën serbe në garazhin e tij. Lidhur me rastin është njoftuar prokurori dhe hetimet janë duke vazhduar.

Ndërkaq, rasti i dytë është regjistruar më 23 shkurt 2026 rreth orës 15:30, në rrugën “Filip Vishnjiq” në Mitrovicë të Veriut.

Sipas raportit, i dyshuari, mashkull kosovar, derisa ndodhej në oborrin e gjykatës, ka fyer dhe kanosur viktimën, po ashtu mashkull kosovar. Me vendim të prokurorit, rasti është proceduar në procedurë të rregullt./Lajmi.net/