Ky aktivitet do të fillojë nga ora 10:00 e do të vazhdojë deri në orën 15:00, para Bibliotekës Kombëtare dhe Universitare të Kosovës.

Faruk Ahmeti, përgjegjës i komisionit studnetor, ka thënë për KosovaPress se ky aktivitet ka për qëllim të sensibilizojë opinionin në lidhje me rëndësinë dhe vlerën e madhe që ka libri.

Ai theksoi se ky aktivitet do të përfshijë të gjitha shtresat e shoqërisë, pra të gjithë mund të shkojnë dhe të bëjnë ndërrimin e librave.

Ahmeti beson se numri i atyre që do ndërrojnë librat e tyre do të jetë shumë i madh, e këtë e thotë bazuar në mesazhet që ka marr ditëve të fundit, prej kur lajmi është bërë publik.

Vizitorët e parë që do të shkojnë aty do ta kenë një fond të librave të përzgjedhur.