Një ngjarje alarmante ka ndodhur në Batllavë, ku pyjet janë përfshirë nga flakët, duke shkaktuar dëme të mëdha mjedisore.

Pamjet e shpërndara nga qytetari Ragip Mehanja tregojnë pyje të shkatërruara nga një zjarr i përhapur në disa hektarë të konsiderueshëm, transmeton lajmi.net

Në postimin e tij, Mehanja e ka quajtur ngjarjen një akt të papranueshëm, duke e akuzuar një person për shkaktimin e këtij zjarri: “30.08.2025 Batllavë – Ja çka bënë një njeri i poshtër, një psikopat, një shtazë. Me dhjetëra hektarë pyje të djegura.”

Djegia e pyjeve ka shkaktuar pasiguri për banorët e zonës dhe ka rritur shqetësimin për rrezikun ndaj jetës dhe shëndetit të qytetarëve, si dhe dëmtimin e biodiversitetit./lajmi.net/