Charlie Austin është një prej futbollistëve më të mirë të Queens Park Rangers gjatë këtij sezoni.

Ai do të jetë një prej kërcënimeve më të mëdha për portën e Chelseas në duelin e së shtunës në Premierligë.

Dhe, për të do të përkujdeset John Terry, mbrojtësi të cilin disa vite më parë ai e priste jashtë qendrës stërvitore të Blues për t’i marrë autograf.

Tregimi interesant është publikuar nga tabloidi “Daily Mail” dhe konfirmon rëndësinë e ballafaqimit, sidomos për Austinin i cili bëri rrugë të gjatë duke luajtur në skuadra të vogla për të arritur deri tek Queens Park Rangers ku tani do të takohet me idhullin e tij të dikurshëm, Terry.

Por, për dallim nga e kaluara, kësaj radhe do të ndeshet kundër tij në fushën e lojës.