Digjet me benzinë 18 vjeçarja që refuzoi dashurinë
Një vajzë adoleshente vdiq në Pakistan pasi u lag me benzinë dhe iu vu flaka nga një njeri që donte të martohej me të, por propozimi i të cilit u refuzua nga vajza.
Bota
Kjo është vrasja e dytë brutale në provincën Punjab të Pakistanit brenda disa ditësh, pas një vajzë 17-vjeçare dhe bashkëshorti i saj u vranë nga një grup i të afërmve të cilët ishin kundër martesës së tyre.
Incidenti i fundit ndodhi të shtunën në një fshat që është pjesë e qytetit Toba Tek Singh.
Sidra Shaukat, 18 vjeçe, ishte vetëm në shtëpi, kur 22-vjeçari Fayyaz Aslam hyri brenda, e lagi atë me benzinë dhe i vendosi flakën, tha Mohammad Akram, një zyrtar i policisë, raporton AFP.
“Ajo u dërgua në një spital lokal i cili e transferoi atë në spitalin kryesor, por ajo vdiq para se të arrijë atje” tha Akram.
Aslam është arrestuar dhe është hapur rast ndaj tij.
“Djali e donte atë dhe e kishte dërguar edhe një propozim për t’u martuar me vajzën, por oferta u refuzua nga familja e saj” tha Akram. (lajmi.net)