Kuvendi i Republikës së Kosovës ka dështuar sërish të konstituohet, për herë të 47-të me radhë, duke vazhduar krizën institucionale që ka nisur që nga prilli.

Përkundër vendimit të Gjykatës Kushtetuese të datës 26 qershor 2025, i cili e obligon Kuvendin të përfundojë konstituimin brenda një afati 30-ditor, procesi vazhdon të ngecë. Me vetëm 11 ditë të mbetura deri në skadimin e këtij afati kushtetues – më 26 korrik 2025 – bllokada politike mbetet e pandryshuar.

Deputeti i Partisë Demokratike të Kosovës (PDK), Nait Hasani, në një prononcim për FrontOnline ka thënë se nuk është e mundur të shkohet në zgjedhje të reja pa u konstituuar fillimisht Kuvendi i Kosovës.

“Në zgjedhje nuk shkojmë, sepse duhet të kemi Kuvend për të shkuar në zgjedhje – ne ende nuk kemi’’, tha Hasani.

Ai shtoi se ekziston ende ka kohë për arritjen e një marrëveshjeje politike para datës 26 korrik, kur skadon afati i përcaktuar nga Gjykata Kushtetuese për përfundimin e konstituimit të Kuvendit, mirëpo nuk e sheh këtë si të arritshme

“Për marrëveshje ka mundësi të ndodhë ndonjë para afatit ligjor të Kushtetueses. Po me atë që po shohim, duket që nuk është e paarritshme’’, deklaroi Hasani.