Kryeministri i Kosoves, Albin Kurtit gjatë fushatës së tij po jep pothuajse çdo ditë nga një deklaratë të çuditshme.

Së fundmi, ai ka arsyetuar edhe qytetarët që po e thërrasin “Albin Baba”, shkruan lajmi.net.

Në një tubim elektoral në Hajvali të Prishtinës, ai u ka thënë qytetarëve që ata po duan t’ia japin fëmijët atij për t’i rritur.

“E kam një farë përshtypje që pikërisht, për shkak se ne do të kujdesemi gjithnjë e më shumë për fëmijët, pikërisht se pse e keni ndërmend me mi dhënë fëmijët e juaj që me ua rrit unë, jeni duke më thënë ‘Albin Baba’”, u shpreh Kurti.

Ai biles pa hezituar tha se e pranon këtë sfidë.

“Po unë e pranoj këtë sfidë, këtë sfidë që po ma bëni ju mua, ‘merrni ju Qeveria, kryeministri, rritni fëmijët tanë se e keni ndërmend me punu ma shumë, këtë sfidë unë e pranoj me shumë nder e gëzim. Veç sa më shumë, veç studioni sa më shumë, veç mësoni sa më shumë sepse Qeveria do të merret edhe me pleqtë, edhe më fëmijët e juaj”, deklaroi Kurti në këtë tubim.