Skuadra e Interit sonte do të përballet me Shakhtar Donetsk nga ora 18:45 në kuadër të Ligës së Kampionëve, transmeton lajmi.net.

Në konferencë për shtyp para këtij dueli ka foluar mbrojtësi i ‘Nerazzurëve’, Stefan de Vrij që ka komentuar dallimet mes trajnerit aktual Simone Inzaghit dhe atij të kaluarit Antonio Conte.

“Shumë koncepte kanë mbetur të njëjta, si dhe formimi. Kjo nuk ka të bëjë vetëm me mbrojtjen, por me të gjithë ekipin.”

Por ai theksoi se ka edhe disa ndryshime, pasi Inzaghi ofron një qasje më sulmuese sesa ish -trajneri.

“Tani, ne propozojmë një futboll sulmues. Ne bëjmë presion, krijojmë shumë mundësi. Ndoshta ne ende duhet të gjejmë një ekuilibër, por këto janë gjërat që kanë ndryshuar.”

De Vrij e njihte trajnerin që nga koha e tij te Lazio dhe tha se është i lumtur të ribashkohet me ish -heroin e Biancocelesti.

“Unë u ndjeva mirë në Lazio dhe jam i lumtur që ai ka ardhur këtu tani, ndihem mirë edhe në Inter, si me të ashtu edhe me stafin e tij”.

“Dhe atëherë ideja është të përmirësohemi dhe të rritemi së bashku”, përfundoi Stefan de Vrij. /Lajmi.net/