Absolutisht, Presidentja do ta marrë këtë vendim në përputhje me Kushtetutën, vlerësoi Pallaska për Klan Kosova.

“Vendimi është ky që është, ky vendim i ka dy pjesë të rëndësishme, kërkesa e Presidencës është pranuar që të shqyrtohet nga Gjykata Kushtetuese dhe kjo paraqet një rëndësi të veçantë “, ka thënë ai.

“Nëse dështon caktimi i mandatarit herën e parë, Presidentja i ka duart e lira të bisedojë me partitë politike që të caktohet mandatari i ri i qeverisë. Është hera e parë që shumë parti politike, që e kanë kritikuar këtë presidente, kemi për herë të parë një person neutral që do të marrë një vendim tejet të ndjeshëm”, ka thënë Pallaska.