Kombëtarja e Kosovës ka zhvilluar sot seancën e dytë stërvitore në stadiumin “Fadil Vokrri”, në kuadër të përgatitjeve për dy ndeshjet vendimtare të këtij muaji kundër Sllovenisë dhe Zvicrës.

Nën drejtimin e përzgjedhësit Franco Foda, futbollistët dhanë maksimumin në fushë, ndërsa Vedat Muriqi, Amir Rrahmani, Elvis Rexhbeçaj dhe Muharrem Jashari kryen ushtrime rigjeneruese pas angazhimeve të fundit me klubet e tyre, transmeton lajmi.net.

Sipas njoftimit të Federatës së Futbollit të Kosovës (FFK), atmosfera në kampin e Dardanëve është “shumë pozitive”, ndërsa përkushtimi dhe motivimi i lojtarëve janë në nivelin më të lartë.

Kombëtarja synon rezultate pozitive në përballjet që mund të përcaktojnë ecurinë e mëtejshme të saj në garat ndërkombëtare./lajmi.net/