Kryeministri i Serbisë, Ivica Dacic, ka njoftuar se takimi i radhës me Përfaqësuesen e Lartë të BE’së, Catherine Ashton, do të mbahet nesër në Luksemburg.

Në këtë takim, sipas Dacic, pritet të diskutohet lidhur me zgjedhjet lokale të 3 nëntorit në Kosovë.

“Është e rëndësishme që të largohen të gjitha parregullsitë dhe mundësitë për manipulim në zgjedhjet e 3 nëntorit.”

“Ne kemi insistuar që serbët të kenë përfaqësuesit e tyre në komisionet e zgjedhjeve dhe në Komisionin Qendror Zgjedhor, në mënyrë që të kenë qasje në listat e votuesve”.

Udhëtimi i Kryeministrit serb në Luksemburg do të bëhet për të marrë pjesë në mbledhjen e parë të Këshillit të Europës për Serbinë.