”Conte dëshironte Vidalin e jo Eriksenin”
Ish-mbrojtësi i Juventusit, Ciro Ferrara, ka zbuluar një detaj interesant për transferimin e Christian Eriksenit tek Interi.
Sport
Sipas Ferraras, Erikseni nuk ishte zgjedhja e parë e Antonio Contes, por mosarritja e marrëveshjes me Arturo Vidal bëri që tekniku t’i kthente sytë kah danezi.
Nerazurët shpenzuan 20 milionë euro për mesfushorin gjatë këtij afati kalimtar, lojtar për të cilin 52-vjeçari nuk beson ishte opsioni i parë i Contes në tregun e transferimeve.
‘’Antonio Conte do të donte që Interi të nënshkruante me Arturo Vidalin para Christian Eriksenit’’, u shpreh ish-lojtari italian.
‘’Conte e shpjegoi këtë shumë mirë: Eriksenit i duhet kohë për t’i kuptuar taktikat dhe funksionimin e ekipit’’, shtoi Ferrara për Tiki taka, transmeton lajmi.net.
Legjenda foli gjithashtu edhe për pjesën tjetër të ekipit duke u shprehur se Interi momentalisht ka një mesfushë solide dhe të fortë.
Kujtojmë, Conte tentoi që Vidalin ta transferonte në verë, por Barcelona refuzoi për t’u privuar nga shërbimet e lojtarit.
Interi gjendet në poziten e tretë me tri pike larg liderit, Juventus, dhe një pikë larg Lazios. /Lajmi.net/