Gjenerali amerikan, Wesley Clark thotë Shqipëria ka sukses në zhvillimin ekonomik, teksa sipas tij, Kosova mund të bëjë më shumë.

Clark u shpreh se presidenti i zgjedhur amerikan, Donald Trump do të marrë vendime të duhura, në raport me vendet e Ballkanit Perëndimor.

“Nuk kam ndonjë mesazh specifik. Unë jam këtu për të parë zhvillimin ekonomik. Shqipëria po bën shumë mirë me zhvillimin ekonomik, Kosova mund të bëjë më shumë. Të ndihmojnë këto rajone të kenë më shumë prosperitet. Unë mendoj se është një periudhë tranzicioni. Senatori Marco Rubio do bëjë atë që duhet të bëjë. Shumica në zgjedhje, tashmë ai është president i zgjedhur dhe do të marrë vendimet e duhura për këtë rajon”, theksoi ai në Abcnewsalbania.

Theksojmë se Marco Rubio do të jetë sekretar i shtetit amerikan.

Rubio ka shprehur nderimin dhe përgjegjësinë që ndjen për emërimin e tij në udhëheqjen e Departamentit të Shtetit të SHBA-së, duke e quajtur atë një përgjegjësi të jashtëzakonshme.