Në katër komuna, të martën ka përfunduar procesi i numërimit dhe verifikimit të rezultateve. Komisioni Qendror i Zgjedhjeve (KQZ) ka njoftuar se në Zveçan, Han të Elezit, Mamushë e Junik është mbyllur procesi i numërimit dhe verifikimit të votave, si për kandidatët për kryetarë, ashtu edhe për kandidatët për asamblistë.

Në komunën e Zveçanit, një kandidat për asamble nga radhët e Partisë Demokratike të Kosovës (PDK) dhe dy nga Lëvizja Vetëvendosje (LVV) nuk kanë marrë asnjë votë.

Sipas të dhënave të publikuara në platformën e rezultateve të KQZ-së, për Flurim Kelmendin e PDK-së dhe Selvije Pecin e Rabije Pecin e LVV-së nuk është regjistruar asnjë votë.