Atletico Madridi ka veshur një fanellë me ngjyrat bardhekaltër për ndeshjen e të mërkurës mbrëma kundër Mallorcas në La Liga.

Atletico Madridi triumfoi 3:1 kundër Mallorcas së Vedat Muriqit në stadiumin “Wandametropolitano”, transmeton lajmi.net.

Klubi nga kryeqendra e Spanjës mori vendim që futbollistët të paraqiten në fushën e lojës me fanellat bardhekaltër për të festuar 120 vjetorin e themelimit të klubit.

Fanellat të veshura mbrëmë nga futbollistët e Atelticos janë përdorur edhe në edicionin e largët 1911 nga lojtarët e parë të skuadrës.

Ish-kampionët e La Ligas madje kanë hedhur në treg këto fanella për tifozët e tyre.

“Me rastin e ditëlindjes sonë të 120-të, skuadra jonë do të veshë kundër Mallorca-s një fanellë bardheblu të frymëzuar nga ajo e veshur nga lojtarët e parë të Atlético de Madrid në historinë tonë”, thuhet ndër tjerash në një njoftim të Atletico Madrid.

Klubi i Atletico Madridit u themelua më 26 prill nga një grup i studenëve baskë që jetonin në Madrid./Lajmi.net/

? ???????

☺️ 1️⃣+2️⃣+0️⃣ = 3️⃣ puntazos ??

— Atlético de Madrid (@Atleti) April 26, 2023