Chelsea konfirmoi epitetin e favoritit në garë për titull duke shënuar fitore të rëndësishme në udhëtim te Liverpool me rezultat 2:1, në derbin e xhiros së 11-të në Premierligë.

Emre Can i kaloi vendasit në epërsi herët në minutën e nëntë, mirëpo, Blues u kundërpërgjigjën shpejtë duke barazuar rezultatin nëpërmjet Gary Cahill, në minutën e 14-të.

Në pjesën e parë nuk pati më gola kurse pas intervalit, hero në fitoren e Chelseas u bë Diego Costa që ia solli skuadrës së tij triumfin me golin e realizuar në minutën e 67-të.