Çfarë po ndodh? Pritet të vriten rreth 170 mijë shpendë

Bota

24/01/2022 15:16

Rreth 170,000 shpendë do të vriten pasi autoritetet zbuluan  një  grip shumë ngjitës të shpendëve në një fermë në Holandën veriore, tha sot ministria e bujqësisë e vendit.

Fermat që gjenden pranë zonës ku u zbuluan rastet me grip do të mbyllen derisa lloji i gripit “H5N1” të testohet për të parë nëse është përhapur, njofton ministria.

Në të njëjtën kohë, u gjet dhe një tjetër vatër gripi, në një fermë në provincën jugore të Brabantit të Veriut, thotë Ministria e Bujqësisë në një njoftim të veçantë.