Casillas kritikon Topin e Artë pasi Messi e fitoi për herë të shtatë
Ylli i PSG-së, Lionel Messi dje arriti të fitojë Topin e Artë për herën e shtatë në karrierë.
Sport
Argjentinasi arriti të fitojë çmimin më prestigjiozë në botë para Robert Lewandowskit dhe Jorginhos, transmeton lajmi.net.
Ka pasur kritika të shumta për Messin, që e shihnin polakun si fitues, e kësaj listë i është bashkuar edhe ish portieri i Real Madridit, Iker Casillas.
“Është duke u bërë edhe më e vështirë për mua të besoj në çmime individuale për futboll. Messi është një nga pesë lojtarët më të mirë në histori, por duhet të dish kush është lojtari më i shquar i sezonit. Nuk është kaq e vështirë, të tjerët e bëjnë të vështirë”, shkroi ai në Twitter.
Cada vez me cuesta más creer en esto de los premios del fútbol.Para mi,Messi,es uno de los 5 mejores jugadores de toda la historia pero hay que empezar a saber catalogar quiénes son los más destacados al cabo de una temporada. No es tan difícil puñeta!Lo hacen difícil otros! 🤦🏻♂️
— Iker Casillas (@IkerCasillas) November 30, 2021
Ndërkohë, Karim Benzema u rendit në pozitën e katërt, derisa N’Golo Kante zuri vendin e pestë./Lajmi.net/