Eugen Cakolli nga Instituti Demokratik i Kosovës ka reaguar ndaj zhvillimeve në Kuvend, duke kritikuar lejimin e vazhdimit të procesit të votimit pa kuorumin e nevojshëm.

Sipas tij, vetë mbajtja e raundit të votimit pa praninë e të paktën 80 deputetëve përbën shkelje të qartë kushtetuese.

“Edhe vetë mbajtja e raundit të votimit, pa praninë e së paku 80 deputetëve – e cila është dashur të verifikohet përmes votimit për pjesëmarrje – përbën shkelje të pastër kushtetuese”, ka deklaruar ai.

Cakolli ka paralajmëruar se çdo tentativë për të vazhduar me raunde të tjera pa përmbushjen e kuorumit të kërkuar përbën cenim të drejtpërdrejtë të rendit kushtetues të vendit.

“Çdo përpjekje nesër për të vazhduar me raunde të tjera pa përmbushjen e kuorumit të kërkuar kushtetues cenon drejtpërdrejt rendin kushtetues”, ka theksuar ai. /Lajmi,.net/