Problemi me qentë endacak në Prishtinë është një ndër probleme të shumta që përballet ky qytet.

Para disa ditëve, në lagjen Mati 1 të Prishtinës, është raportuar se qentë endacakë në baza ditore po sulmojnë kalimtarët në rrugë, atë edhe gjatë ditës ku lëvizjet e njerëzve janë më të larta.

Gazetarja e lajmi.net, Fjollë Hyseni, ka intervistuar disa banorë të kësaj lagjeje, të cilër rrëfyen për gjendjen e rëndë me qentë endacakë.

Një banor tha se ai është sulmuar nga qentë endacakë në mes të ditës duke u kthyer nga puna, dhe theksoi se gjendja në këtë lagje të Prishtinës është alarmante, dhe ka kërkuar që të krijohet një zgjidhje.

Organizatat për mbrojtjen e kafshëve kanë dalë kundër që të bëhet largimi i qenve endacakë, që sipas tyre, kjo përbën shkelje të të drejtave të kafshëve.

Ndërsa rreziku i banorëve dhe fëmijëve të lagjes Mati 1 në Prishtinë nga qentë endacak mbetet ende i lartë. /Lajmi.net/

Video: