Bonucci, 34 vjeç, ka shijuar një karrierë të pasur me trofe në Itali, duke luajatur për skuadrat Juventus, Milan dhe Inter, si dhe ka zhvilluar 111 ndeshje për ekipin kombëtar, në të cilin ai fitoi Euro 2020 në verë.

Kur Pep Guardiola u transferua për herë të parë në City në 2016, Bonucci tani ka zbuluar se klubi ishte pranë sigurimit të nënshkrimit të tij.

“Unë kisha këtë ëndërr të isha lojtar i menaxhuar nga Pep,” tha Bonucci për ‘The Athletic’. “Më e afërta që arritëm ishte në vitin 2016. Isha në prag të bashkimit me City. Ne ishim deri në detajet e fundit, atëherë Juventus vendosi të mos shiste.

“Ne vendosëm të qëndronim së bashku. Pastaj, kur shkova në AC Milan, mund të kisha shkuar në City, por disa gjëra duhej të binin në vend që të ndodhte. Unë gjithashtu i kam dhënë fjalën Milanit. Vitin e kaluar, fola përsëri me Pep.

“Ai më donte mua, por unë i thashë:‘ Juventus është shtëpia ime. Jam i lumtur ketu. Këtu ndihem si në shtëpi’. Doja të bëja terrenin që humba duke shkuar në Milano për një sezon.

“Të bëhesh përsëri një simbol i Juventusit është gjëja më emocionuese që mund të bëja në karrierën time tani” ka përfunduar italiani. 

Juventus nuk e ka nisur mjaft mirë këtë start të kampionatit në Itali, sidoqoftë “biankonerët” kanë arritur të këndellen duke i fituar dy të fundit, duke i shtuar edhe fitoren e madhe mbrmë në kuadër të Ligës së Kampionëve, duke e mposhtur kampionin aktual evropian, Chelsean, me rezultat 1-0, dhe duke prirë si lider i tabelës me pikë të plota pas dy ndeshjeve të zhvilluara. /Lajmi.net