Vetëm gjatë tremujorit të parë të këtij viti, për dëmtimin e masës drusore prej rreth 3.5 mijë metër kub dru, në vlerë prej 411,909 euro, autoritetet komunale dhe qendrore nga Agjencia Pyjore e Kosovës i kanë shqiptuar gjithsej 1,349 fletëparaqitje.

Ndryshe, gjatë vitit që lamë pas, për dëmtimin e masës drusore prej rreth 14 mijë metër kub dru, janë shqiptuar 5,593 fletëparaqitje, ku 600 prej tyre kanë qenë të ngritura nga inspektorati i Agjencisë Pyjore të Kosovës, në të cilat përfshihen edhe fletëparaqitje që kanë të bëjnë me zyrtarë komunalë.

Në krahasim me vitin 2012, kur për dëmtimin e masës drusore prej rreth 24 mijë metër kub dru, janë shqiptuar 7,589 fletëparaqitje, del se në vitin 2013, dëmtimi i masës drusore ka qenë dukshëm më i vogël.