Fluksi i kolonave të gjata në pikat kufitare ka rënë dukshëm sot.

Sipas të dhënave nga QKMK sot nuk ka pritje të gjata në pikat kufitare, ku pritja më e gjatë është në pikën kufitare në Merdarë ku në dalje pritja mund të shkojë nga 10 deri në 15 minuta, transmeton lajmi.net.

Në pikat tjera kufitare si në hyrje ashtu edhe në dalje pritjet vijojnë nga 3 deri në 5 minuta.

Gjatë dy javëve të fundit, si fillim në hyrje e më pas në dalje- kolonat ishin tejet të gjata në këto dy p ika kufitare tek Dheu i Bardhë dhe në Merdare.

Ardhja e mërgimtarëve për festat e fundvitit si çdoherë tjetër pati edhe shtim të numrit të automjeteve e autobusëve që kalonin në këto anë./Lajmi.net/