Deputeti i LDK’së, Besian Mustafa ka publikuar një video të ministres Arbërie Nëgavci, për të cilën thotë se dëgjohet në Kuvend duke e mbrojtur kurrikulën që vetë e kanë miratuar.

Këtë video Mustafa e ka publikuar pasi kryeminstri Albin Kurti tha se përmbajtja e doracakëve nuk është shkruar, e as miratuar në mandatin e tij qeverisës.

“Fort ju paska djegë që s’ju kemi lënë me i shti duart në fëmijë e familje a? Prap po mundoheni me mashtru’ që s’i keni aprovu’ këto korrikula a? Qe, dëgjojeni Nagavcin duke e mbrojtë kurrikulën që e keni miratuar vet. Edhe nime, pranojeni që ndryshimi po vjen”, shkroi Mustafa.