Ish-presidenti i Milanit, Silvio Berlusconi, ka folur për formën e ekipit kuqezi.

Berlusconi tha për “Premium Sport” që trajneri Gennaro Gattuso duhet të ndryshojë formacionin, përcjellë “Lajmi.net”.

“Unë jam ish president i klubit por jam ende një tifoz. Më dhemb ta shoh kështu Milanin, nganjëherë nuk i shoh as ndeshjes”, deklaroi Berlusconi.

“Mendoj që Gattuso duhet ta ndryshojë formacionin dhe sistemin e lojës”.

“Milani fitoi çdo lloj trofeu në 30 vitet e fundit sepse ne përdorëm një sistem të thjeshtë”.

“Shpresoj që tifozët do ta përkrahin ekipin që të rikthehet përsëri në maje të futbollit”, shtoi ai. /Lajmi.net/