Deputeti i Aleancës për Ardhmërinë e Kosovës, Bekë Berisha para se të nis vazhdimi i dhjetë i seancës konstituive të Kuvendit të Kosovës deklaroi se nuk ka asgjë të re.

“Njëjtë nuk ka kurgjo të re”, tha shkurt Berisha.

Sot nga ora 10:00 do të vazhdojë seanca konstituive për Kuvendin e Kosovës. Kandidatja e Lëvizjes Vetëvendosje për kryeparlamentare, Albulena Haxhiu ka dështuar për gjashtë herë të sigurojë votat e nevojshme për t’u zgjedhur. Ndërsa kjo është hera e dhjetë që tentohet të konstituohet Kuvendi i Kosovës.

Në seancën e fundit kryesuesi i Kuvendit të Kosovës, Avni Dehari propozoi votim të fshehtë për kryeparlamnetarin, por kjo mënyrë e votimit u kundërshtua nga partitë opozitare.