Tiffany Taylor, një nënë e tre fëmijëve, ka kryer operacione në gjoks, në mollëza dhe në hundë në mënyrë që të duket si vajza e madhe e kandidatit republikan për President të SHBA-së.

Jenny Stuart, ka thënë se e admiron vajzën e Trump e për këtë arsye ka vendosur t’iu nënshtrohet këtyre operacioneve, transmeton Klan Kosova.

Të dyja iu janë nënshtruar thikës së kirurgut, Franklin Rose, i cili është shprehur se këto të dyja nuk janë të vetmet që kanë ardhur me këtë kërkesë.

Taylor ka shpenzuar 60 mijë dollarë që të duket si Trump.

“Më pëlqen fytyra e Ivanka Trump”, ka thënë Taylor.

Stuart, në anën tjetër ka thënë se përpara operacioneve shumë njerëz i kanë thënë që i përngjan aktores amerikane, Anfelina Jolie.

Intervenimet e saj i kanë kushtuar 30 mijë dollarë.

Pavarësisht admirimit që ka për pamjen e Ivankës, ajo ka thënë se nuk do e votojë babain e saj, Donald Trump.

“Mund të duket ironike që kam shpenzuar kaq shumë kohë dhe para që të dukem si Ivanka, të cilën e admiroj pasi është shumë e bukur, por nuk më pëlqen babai i saj”, ka thënë Stuart.

Por të dy gratë janë shprehur se do të votonin për Ivankën nëse do konkurronte për Presidente.