Sunderland mposhti Chelsean 2:1 dhe e eliminoi në çerekfinale të Capital One Cup. Pas një ndeshje dramatike, skuadra që renditet e fundit në Premierligë e befasoi gjigantin londinez duke ia siguruar vetes kalimin në gjysmëfinale.

Se Chelsea ka nevojë për sulmues e arsyetoi fakti se gjiganti londinez kaloi në epërsi falë një autogoli kur Lee Cattermole e dëboi topin në portën e skuadrës së tij pas 46 minutash lojë.

Mirëpo, atëherë kur besohej se ky do të jetë momenti vendimtar i takimit, sulmuesi italian Fabio Borini e barazoi rezultatin në minutat e fundit të kohës së rregullt duke e dërguar ndeshjen në vazhdime.

Dhe, po ashtu në minutat e fundit, Borini kombinoi me Ki sung-Yueng i cili iu shmang Michael Essienit dhe nuk i dha asnjë rast portierit Mark Schwarzer duke shënuar golin që e eliminoi Chelsean.

Në ndeshjen tjetër, Manchester City me lehtësi e mposhti Leicester Cityn me rezultat 3:1 pas golave nga Edin Dzeko (dy) dhe Aleksandar Kolarov.

Debutimi i Jose Mourinhos në Ligën e Kampionëve pas rikthimit te Chelsea doli të jetë mjaft i pafat.

Chelsea pësoi disfatë të papritur nga Basel 1-2, në duelin e tyre të parë në kuadër të Grupit E. Kampioni i Zvicrës doli fitues nga Stamford Bridge, edhe pse ishin në disavantazh pas pjesës së parë të ndeshjes.

Mesfushori Oscar kaloi gjigantin londinez në epërsi në fund të 45 minutave të para. Por, mysafirët befasuan duke barazuar rezultatin në minutën e 71-të nëpërmjet Mohamed Salah, kurse dhjetë minuta më vonë Marco Streller realizoi për avantazhin e mysafirëve dhe fitoren e madhe të Baselit.

Në ndeshjen tjetër të këtij grupi Schalke 04 mposhti me lehtësi Steaua Bukureshtin 3-0.

Chelsea – Basel 1:2

Schalke – Steaua 3:0