Zëvendëspresidentja Tuck u interesuar për Programin Qeveritar të Kosovës dhe për implementimin e tij. Ajo vlerësoi bashkëpunimin ndërmjet Kosovës dhe Bankës Botërore, duke konfirmuar përkrahjen e mëtejshme për projektet zhvillimore në Kosovë.

Kryeministri Mustafa e njoftoi zëvendëspresidenten Tuck për progresin në Kosovë si dhe prioritetet e Programit të Qeverisë së Kosovës.

Mustafa falënderoi Bankën Botërore për përkrahjen e ofruar përmes projekteve të ndryshme, përfshirë ato në zhvillimin e sektorit të energjisë në Kosovë.

Kryeministri po ashtu shprehu fokusimin e Qeverisë së Kosovës në zhvillimin ekonomik të vendit, hapjen e vendeve të reja të punës, forcimin e shtetit ligjor, proceset integruese evropiane si dhe reformat në shëndetësi, në arsim e në shumë fusha të tjera të jetës.