Bayern Munich ka fituar ndeshjen e xhiros së tetë ndaj Bayer Leverkusen.

‘Bavarezët’ janë ‘këndellur’, pasi kanë mposhtur me rezultat të bindshëm 4:0 Leverkusen.

Pas tri barazimeve të njëpasnjëshme në ligen gjermane, dhe humbjes në takimin e fundit Bayerni ka gjetur rrugën e fitores.

Ekipi i Julian Nagelsmann ishin skuadër më e mirë për 90` minuta, ku edhe shënuan tri gola.

Serinë e golave e hapi Leroy Sane, i cili shënoi në minutën e 3`.

Në të 17` Jamal Musiala dyfishoi epërsinë, pas një goditje të bukur drejt portës.

Për rezultatin e pjesës së parë 3:0 u përkujdes Sadio Mane, në të 39`.

Edhe në 45 minutat e dytë Bayerni po zhvillonte paraqitje më të mirë.

Mane tundi rrjetën, por goli i tij u anulua për pozicion jashtë loje.

Kurse për rezultatin final 4:0 u përkujdes Thomas Muller, i cili shënoi në minutën e 84`.

Në anën tjetër Leverkusen krijuan raste, por nuk shënuan.

Me këtë fitore Bayerni shkon në kuotën e 15 pikëve, në vendin e dytë, kurse Leverkusen ka pesë në të 16-tën pozitë./Lajmi.net/