“Bavarezzët” mposhtën me vështirësi skuadrën e Koln me rezultat të ngushtë 3 – 2, shkruan lajmi.net.

Pjesa e parë përfundoi ashtu siç nisi, ngase asnjëra skuadër nuk ia doli t’i konkretizojë rastet.

Ishte sulmuesi Robert Lewandowski që zhbllokoi rezultatin (50′).

Pas nëntë minutave, Serge Gnabry dyfishoi epërsinë (59′).

Koln arriti të kthehet në lojë, duke shënuar dy herë brenda dy minutave.

Modeste ngushtoi epërsinë (60′), derisa Uth barazoi shifrat (62′).

Por, Bayern nuk lejoi befasi dhe riktheu avantazhin përmes Gnabry që u asistua nga Kimmich (71′).

Me këtë fitore, Bayern renditët në pozitën e katërt me katër pikë, derisa Koln në të tetën me tre sosh./Lajmi.net/