Gjatë ditës së sotme, Policia e Kosovës ka realizuar një bastisje në Podujevë, në kuadër të një hetimi për aktivitet të dyshuar kriminal.

Pas veprimeve hetimore dhe koordinimit me prokurorin e krimeve të rënda, u sekuestruan prova të rëndësishme.

Gjatë bastisjes në shtëpinë e të dyshuarit, janë gjetur dhe konfiskuar:

1 kilogram e 759.32 gram marihuanë

1 cigare me substancë narkotike të dyshuar

Dy matës-peshore

Katër paketime rizllash (OCB)

1 bluerës-mulli

1 thikë

1 paketë me qese plastike të vogla

1 antiplumb

1 telefon celular

Pas bastisjes, njësi të antidrogës kanë dalë në vendngjarje për të mbështetur hetimin. Prokurori i krimeve të rënda ka lëshuar aktvendim për ndalimin e të dyshuarit për 48 orë. Hetimet vazhdojnë në koordinim me organet e drejtësisë. Policia e Kosovës po vazhdon angazhimin e saj për të luftuar krimin dhe për të siguruar rendin dhe sigurinë e qytetarëve.