Barcelona është futur në një periudhë absolutisht të tmerrshme. Gjithçka u prish në një sezon që dukej i mbushur me lule.

E zeza për gjigantin katalunas nisi kur u morën vesh ‘dallaveret’ që ishin bërë gjatë blerjes së futbollistit brazilian, Neymar. Në planin social, qetësia ishte absolute.

Mirëpo, pas dorëheqjes së presidentit Sandro Rosell, gjërat ndryshuan për të keq. Në harkun e gjashtë muajve, rruga bëri ndryshime radikale. Kjo është ndier edhe tek lojtarët, të cilët nuk janë ata të fillim sezonit, kur po thyenin rekorde.

Nga 10 ndeshje sa kanë zhvilluar në vitin 2014, Messi me shokë kanë regjistruar vetëm 5 fitore, duke ia shtuar atyre 2 barazime dhe 3 humbje, nga Valencia, Real Sociedad dhe së fundmi nga Real Valladolid.

Kjo i bie që Barçka ka grumbulluar vetëm 17 nga 30 pikët e mundshme në 10 ndeshjet e fundit, duke i lënë në ‘rrugë’ 13 pikë, të cilat mund t’i kushtojnë në fund me titull të kampionit të humbur.

25 janë golat e shënuar dhe 10 ata të pësuar nga skuadra e Gerardo Martinos. Sidoqoftë, shumëçka, për të mos thënë gjithçka, pritet të vendoset në përballjen direkte ndërmjet Real Madridit dhe Barcelonës në El Clasicon e 23 marsit në Santiago Bernabeu.

Gerard Pique e përshkroi humbjen e Barcelonës 2:1 nga Ajax si “katastrofë”, derisa gjiganti katalan pësoi disfatën e parë nën drejtimin e trajnerit të ri, Gerardo Martino.

Golat në pjesën e parë nga Thulani Serero dhe Danny Hoesen i mundësuan Ajaxit të krijojë kontrollin e ndeshjes para se Blaugrana të kërcënojë me rikthim në lojë kur Xavi realizoi një penallti pas përjashtimit të Joel Veltman pas vazhdimit.

Mirëpo, ekipi i trajnerit Frank de Boer rezistoi dhe realizoi fitore të madhe.

Pique, i cili ishte titullar së bashku me Javier Mascheranon në qendër të mbrojtjes u hidhërua që Barcelona përfundoi serinë prej 20 ndeshjeve pa humbje dhe insistoi se skuadra nuk guxon ta përsëris sërish një paraqitje të tillë nëse dëshiron të fitojë tituj këtë edicion.

“Ne luajtëm tmerrshëm në pjesën e parë. Buk ka arsyetim, ishte një katastrofë. Ajo që ndodhi në pjesën e parë nuk guxon të ndodh sërish. Qëndrimi nuk ishte i duhuri, e gjithë skuadra e di këtë”, deklaroi Pique.