Arsene Wenger ka mohuar spekulimet rreth transferimit të Mario Balotellit në Arsenal. Sulmuesi italian është përmendur si objektiv i gjigantit londinez, mundësi që është mbështetur edhe nga menaxheri i futbollistit, Mino Raiola.

Mirëpo, pas njoftimeve se palët janë pranë arritjes së marrëveshjes me vlerë prej 27 milionë funte, Wenger ka përjashtuar interesimin e tij për sulmuesin e Milanit.

I pyetur rreth spekulimeve, Wenger tha për “beIN Sports World Cup” se janë thjesht: “Zbulime të pastra”.

Derisa francezi e ka bërë publike dëshirën e tij për të transferuar disa futbollistë të caktuar, përjashtimi i mundësisë së angazhimit të Balotellit do të vjen si befasi e vogël pasi ish sulmuesi i Manchester Cityt prapë është futbollist më i rrezikshëm se disa nga sulmuesit që Wenger ka aktualisht në dispozicion.