Deputetja e Kuvendit të Kosovës, Duda Balje, e konfirmoi edhe një herë se ka  marrë ofertë pune në Maqedoni të Veriut, në këmbim të votës së saj në Kuvendin e Kosovës.

Ajo edhe sot ka thënë se këtë ofertë nuk e ka pranuar.

“S’kam çka me komentu, unë kam thënë siç ka qenë situata,  VV e di pse ka  reaguar ashtu, kam folur shumë sinqertë, shumë haptas, dhe nuk pranova ofertën,” tha ajo.

Në lidhje me këtë deklaratë të saj në seancën e kaluar, ka pas reagime të shumta nga partia fituese e zgjedhjeve të fundit VV, duke e mohuar t’i kenë ofruar asaj një punë në këmbim të votës.